66                 TESTAMENTS ENREGISTRÉS AU PARLEMENT DE PARIS            (306)
Nicole de Rance qui est en l'Eglise de Paris devers le cloistre, que j'ay proposé à faire ordonner, et vueil que à la main de l'image soient joins et escrips ces deux vers :
Vermibus hic donor et sie ostendere conor Qualiter hic ponor ponitur omnis honor.
et autour de la tombe ce qu'il appartient à escripre.
Item, je ordonne avoir en la dicte eglise trois anniversaires solen-nelz chascun an, c'est assavoir, vigiles de mors à ix leçons à note, et le lendemain commandaces sans note et la messe à note bien son­nées, c'est assavoir, un le jour de mon trespassement, l'autre pour mes pere et mere le premier lundi après la feste Nostre Dame en septembre, et le tiers le premier lundi après la feste Saint Denis, chascun an.
Item, pareillement je ordonne avoir trois anniversaires solennelz chascun an en l'eglise Saint Front de Nuilly, et soient chantez et sonnez comme dessus, et que le jour que l'en dira la messe à Saint Remi, que l'en chante au soir ensuivant les vigiles à Saint Front, et le lendemain commandaces et la messe, et tout à note.
Item, je ordonne que le curé de Saint Remi ait à chascune des vigiles au soir ii solz, son Compaignon xii deniers et le clerc de la par-roiche vi deniers ; et le lendemain pour commandaces et pour la messe autant; et que le maistre de l'escole et les enfans jusques à xii, s'il ne veult tout amener, aient au soir tous ensemble n solz vi deniers, et l'endemain aux commandaces et à la messe autretant.
Item, que les marregliers pour sonner et ordonner à chascun anni­versaire pour le soir et pour le matin aient iiii solz.
Item, se les curez de Saint Front y veulent estre, ilz aront à chascune fois chascun xii deniers.
Item, pareillement à Saint Front chascun des curez, s'il est present, avéra pour chascun anniversaire entier mi solz, c'est assavoir, aux vi­giles ii solz, aux commandaces et la messe u solz; et s'il n'y a que un curé et un chappellain, le chappellain n'ara que ii solz pour tout à chascun anniversaire entier, et le clerc pour tout xii deniers.